ოპუტე დო ონტულე

1.18. op'ut'e do ont'ule 1. k'azonishi ar k'ele kvash okhori keladgin, bak'i baghu medgei odape mokachei. oput'eshi ekole bargeni kaeladgin, ts'okhle mushish ont'ules pukirepe merchei. 2. ont'uleshi ts'alendo ghali chkini gilulun, chkhomi, ts'its'i, ts'its'ila, ts'ip'ili dolobghei. okotumalesh ts'okhle mch'ita monch'va gululun, mamulishi k'ap'ulas ch'uch'ulepe gobghei. 3. bargenish zhini ts'okhle k'arvanepe geladgin, topurepe ts'onei but'k'ujepe obghei. t'ikshaishi k'ap'ulas uchash mzholi keladgin, mteli dikhas dobghei ats'ighepe ghobghei. 4. oput'eshi ar k'ele zambaghepe golorgun, pukirepe yekhtei k'arta shura gokhtei. luqu, lobiya shuk'a ont'ules kaelorgun, gharamsok'ala kindzi irishei yekhtei. 5. arandzi, pets'euli, tskhimunt'uri kogedgin, mtkhiri, mbuli, k'ak'ali k'arta sheis chanei. mts'k'o ushkiri do mtskhulis binekhepe konudzin, shura naaleps uchash qurdzeni mechanei. 6. mzesku mchkiyi k'vinch'akhi k'arta k'vinchepesheni, mtskhumarkvalishi tude ok'vinche eladgei. nch'eis ragi kodedgin didi mtugepesheni, khurmashi zhin k'vinchishi kandara geladgei. 7. gheji meli do mtutish omghoru duluk'achun, lap'arde do ololish omgaru dologzei. genepe, purjepeshi budzepes kits'ukachun, mzhvabupe ghalik'ala ch'anch'akhis dolobghei.