მჟორა
1.16. მჟორა
1. არ სერი ჩქვა დიჩოდენ თუთა გზას ქოგედგითუნ,
მურუცხეფე ქოდიბღენ მჟორა ქოგოლადგითუნ.
თუთაქ ბოხჩა მუშითენ მინდულუნ ქაგონდუნუნ,
მამული დო იზანიშ სერსი ქოდოლოდგითუნ.
2. მჟორა ჭიტა ქეხთაში ნეკნაფეს ქონოდგითუნ,
მარა გური მუხთაში მპულას ქომუკუდგითუნ.
გოლაფეს გომჟორაში ძაბუნობა ვამალენ,
ონდღეი ქომოხტასი ირი სვას ქოგჲოდგითუნ.
3. დიხა ნცა დოხომინაფს დოჭუფს არ დიშუმაში,
დონტკობუნ ქაგონდუნუნ არ მჭიმა ქომოხტაში.
მჭიმა კაი შეი რენ ეთი იგორენ მარა,
ხელება ქოგედგითუნ ტარონი გონთანაში.
4. ონტულეფე იხაჩქენ ოხორეფე იკიდენ,
ბაკი ბაღუ ბარგენი ოხორის გუიკიდენ.
დულჲაფე ვაიჩოდენ, მარა მჟორა ულუნ დო,
ფანგარაშ ტეფშისთეი იჲა ქოგუწიკიდენ.
5. მჟორა ვაგჲანტონაშა ხოლო თუთა ქომულუნ,
ნცაში კართა ტარაფის მურუცხი ქაგამულუნ.
არ ნდღა ჩქვა ქონიჩოდენ მჟორაქ თუთას დუჯოხოფს,
არ სელამი გჲუნჩახუფს, ხე გჲუვალუფს მინდულუნ.
1.16. mzhora
1. ar seri chkva dichoden tuta gzas kogedgitun,
murutskhepe kodibghen mzhora kogoladgitun.
tutak bokhcha mushiten mindulun kagondunun,
mamuli do izanish sersi kodolodgitun.
2. mzhora ch'it'a kekhtashi nek'napes konodgitun,
mara guri mukhtashi mp'ulas komuk'udgitun.
golapes gomzhorashi dzabunoba vamalen,
ondghei komokht'asi iri svas kogyodgitun.
3. dikha ntsa dokhominaps doch'ups ar dishumashi,
dont'k'obun kagondunun ar mch'ima komokht'ashi.
mch'ima k'ai shei ren eti igoren mara,
kheleba kogedgitun t'aroni gontanashi.
4. ont'ulepe ikhachken okhorepe ik'iden,
bak'i baghu bargeni okhoris guik'iden.
dulyape vaichoden, mara mzhora ulun do,
pangarash t'epshistei iya koguts'ik'iden.
5. mzhora vagyant'onasha kholo tuta komulun,
ntsashi k'arta t'arapis murutskhi kagamulun.
ar ndgha chkva konichoden mzhorak tutas dujokhops,
ar selami gyunchakhups, khe gyuvalups mindulun.
KA 
EN