მონჭინორა

2.4. monch'inora 1. nk'olepek t'raghodums oropon ora, kholoti komokhti, e, monch'inora. mzugaghash bereketi let'ashi shura, zhur do zhur k'orzape gelachaneri. 2. nanashen ok'its'k'en k'inchish motali, komoinch'u t'ot'iz k'ak'al-k'ak'ali. sijas shekeleme jebishi khali k'aumeli ntkhiri elakchaneri. 3. mtskhulagha moinch'u geimondunu. k'ap'et'is ushkuri sole gondunu, ti ochanu ir dulyaz ek'odginu, avlaz lughintsumu ok'ochaneri. 4. avlaz ombolina kodidgu tava, angepe oipshu ts'iminde lova, hashopete k'ishiz moyshenen yuva, k'onzoli, urzeni, k'umkhi chaneri. 5. sipt'erish met'ala ughun bich'epez, ot'rik'ez mot'ala – hem rak'anepez, shana mats'k'indepe landun k'itepez, k'ulani bich'epes mtel mechkineri. 6. kapchaputkhi mebudgaten but'k'aten, ushkurishi detsis kyume bunts'aten, lazut'ish kharmaniz bit'raghodaten ghidzi nch'olo t'utsa ts'k'ariz donts'eri. 7. kholoti komokhti, e, monch'inora. mutu momchateren shinakhon ora. monch'inoraz hesho var p'atna t'ora, inuvaz dopskidut ments'er-monts'eri. 8. hem ndghalepe mati ek'ebit'k'ochi. so ren hats'i jgiri chkineri k'ochi, abashish doghani nach'ven gur-p'iji, namu gits'van derdis derdi mepsheri.