ლაზონა
3.3. ლაზონა
1. ლაზონაში ბერეფე
ხოლო ქოკიკორობეს.
ლაზებურა ტრაღუდან
ჭანდაში ხორონეფე.
2. ქარმატე ოგი ტობა,
ჯელულუნ რუბა-რუბა.
ჰიმ ბოზო მუ დოლუზუნ
ჰიკუ მბარერი უბა?
3. სი ჰაშოთე სო ულურ,
ტიკინა მობუმერი?
მა მონა ვა მემოწერ
ულურტი ჯებუმერი?
4. ქვაში თუდელე დუნჭუ,
ჰუშა მბული ვა მინჭუ.
დუთხური ბოზოფეში
არ კაკალა ვა მანჭუ.
5. მწუ ქოჯეხედუ კახი,
ახი ნეზირე, ახი!
მეფთარე მიწვიდორტუ
ვარ მოხთი დო მოლახი!
3.3. lazona
1. lazonashi berepe
kholo kok'ik'orobes.
lazebura t'raghudan
ch'andashi khoronepe.
2. karmat'e ogi t'oba,
jelulun ruba-ruba.
him bozo mu doluzun
hik'u mbareri uba?
3. si hashote so ulur,
t'ik'ina mobumeri?
ma mona va memots'er
ulurt'i jebumeri?
4. kvashi tudele dunch'u,
husha mbuli va minch'u.
dutkhuri bozopeshi
ar k'ak'ala va manch'u.
5. mts'u kojekhedu k'akhi,
akhi nezire, akhi!
meptare mits'vidort'u
var mokhti do molakhi!
KA 
EN