ოხორი ჩქინი

19. okhori chkini 1. nadudgin mteli k'ida kva do njaten noshvei. mazhura k'arta mutu pitsaiten ch'k'adei. ts'okhle mushis oput'e, ont'ule goladvei. odape mokachei ughun okhori chkinis. 2. okhorishi shkaguris p'ot'es dachkhiri kogzun. ch'umanerishi mzhora didi odas konogzun. nagunk'ap'un berepes gyari ts'k'ari gamogzun. mandzagere molobghun birtum okhori chkinis. 3. ar k'alati k'ak'ali nunk'usha dolobghei, k'eremulis gots'obun ar ovle mekhomei. postis kogekhen do lirs p'ap'ulik menk'omei. mteli shei memskvei ughun okhori chkinis. 4. ok'itseshi ar k'ele k'itsi grasta keladgin, ok'rebules ts'k'ariten k'uk'uma kogeladgin. ar stoli do tronepe ekole kaeladgin. ongore koguludzin nch'eis okhori chkinis. 5. k'eremulish k'ank'ulis k'ardala kogots'ubun. emush ch'it'a zhindole k'ank'uletsi konobun. st'eghok'ala ots'k'ares p'ot'es ts'k'ari kogჲobun. chechme elak'idei ughun okhori chkinis. 6. k'eremulish k'ank'ulis k'ardala kodots'obun. emush ch'it'a zhindole k'ank'uletsi konobun. steghok'ala ots'k'ares p'ot'es ts'k'ari kogyobun. chechme elak'idei ughun okhori chkinis. 7. mch'k'idish mkiri lazut'i mteli kharos dodlobghun. modvalu do nalini nek'nas ts'okhle gots'obghun. saghani iya aya ots'udes kogolobghun. dulyape memskvanei ughun okhori chkinis. 8. och'k'omalush gyarepe mteli taros meshadzin. k'izi, k'op'a do khami ok'izales geladzin. arguni do burch'uli ghojish nek'nas mok'adzin. tude mushi khayati kughun okhori chkinis. 9. ch'it'a oda nk'ilei koren musapirishi. didi oda umchane badik'ala khchinishi. gverdish oda ts'ipkhei nisa do noghameshi. birtum ch'anda kheleba koren okhori chkinis.