ოკაჩხე
3.14. ოკაჩხე
1. მა ნეფე ბოზო ბზირი, გური არ სი ამახტი.
ვაპა ქირაჯი ორტი, მოთ იგზალი გამახტი?
ბობოლამოსა გვომბუნ, ნეკნა ვა გოჲნწუ ჰუჲშა.
გვერდი ღურერისტერ ონ სკანი ტიხო ტიშუჩა!
2. კინჩი ობღეშა ჯეჯუ, წიფრი მუში ანტალუ.
კატაშა გამიკატუ, მონდო მჯვერი დონტალუ.
ვა მომწონდუნ ნა იქუჲ, გზა ვარ ონ გზა მუშიტი.
ვარ უშკუნი ოკაჩხე ნეფე მვალასენ ჰიმ თი?
3. გური ნეკნა ოკუმგვაჲ, ირი გური არ ვარ ონ.
ჰიმუ ჰამუ ნეკნაფე გიშკუნი ჩი სი ჩარ'ონ?
ოკაჩხე სიტი ოგნარ, დოლუმცაშენ ჰიმ ორა.
სერი ტუტა ვორს'ონი, ონდღერი ტუცა მჯორა?
3.14. ok'achkhe
1. ma nepe bozo bziri, guri ar si amakht'i.
vap'a kiraji ort'i, mot igzali gamakht'i?
bobolamosa gvombun, nek'na va goynts'u huysha.
gverdi ghurerist'er' on sk'ani t'ikho t'ishucha!
2. k'inchi obghesha jeju, ts'ipri mushi ant'alu.
k'at'asha gamik'at'u, mondo mjveri dont'alu.
va momts'ondun na ikuy, gza var on gza mushit'i.
var ushk'uni ok'achkhe nepe mvalasen him ti?
3. guri nek'na ok'umgvay, iri guri ar var on.
himu hamu nek'nape gishk'uni chi si char'on?
ok'achkhe sit'i ognar, dolumtsashen him ora.
seri t'ut'a vors'oni, ondgheri t'utsa mjora?
KA 
EN