მსქიბურბალი
1. მსქიბუ იქთენ დომქვაში ქოდოდგითუნ.
მჟორა გჲულუნ რაკანის ქომოდგითუნ.
თუთა დო მურუცხეფე გზას ქოგედგითუნ.
მსქიბურბალი იქთენ ჩქამუ დოდგითუნ.
2. შურონეფე დიბადენან, ღურუნან.
ჰემ შუფან, იმხორან, ოკოჭკოდუნან;
ინჯირან, ჲესელან, ოხოჭკონდუნან.
მსქიბურბალი იქთენ ვართი დოდგითუნ.
3. წკარი ხომუნ ჲეფუთხუნ, ნცაშა ქჲულუნ.
დვაჭკინდაში მჭიმა ღვარი ქაგჲულუნ.
მთვირი იყვენ, დოტიბაში დონდღულუნ.
მსქიბურბალი იქთენ ჩქარ ვადოდგითუნ.
4. უდოდგინუ დიხა იქთენ, ნცა იქთენ.
ნდღა მოხთაში ენთეფეთი ქაგიქთენ.
მსქიბურბალი არ მციხი წკარის იქთენ.
ქიანა დობდგითუნ მუქ ვადოდგითუნ.
5. მჭიმა მულუნ ღალი დირდენ ქომამქვენ.
მჟორა მულუნ ტიბა ხომუნ ქოგჲამხვენ.
არ წაფა შურითენ თი ვართი გვალოთენ,
ღურუტაშა იმცქვენ დო ვადოდგითუნ.
1.17. mskiburbali
1. mskibu ikten domkvashi kododgitun.
mzhora kyulun rak'anis komodgitun.
tuta do murutskhepe gzas kogedgitun.
mskiburbali ikten chkamu dodgitun.
2. shuronepe dibadenan, ghurunan.
hem shupan, imkhoran, ok'och'k'odunan;
injiran, yeselan, okhoch'k'ondunan.
mskiburbali ikten varti dodgitun.
3. ts'k'ari khomun yeputkhun, ntsasha kyulun.
dvach'k'indashi mch'ima ghvari kagyulun.
mtviri iqven, dot'ibashi dondghulun.
mskiburbali ikten chkar vadodgitun.
4. udodginu dikha ikten, ntsa ikten.
ndgha mokhtashi entepeti kagikten.
mskiburbali ar mtsikhi ts'k'aris ikten.
kiana dobdgitun muk vadodgitun.
5. mch'ima mulun ghali dirden komamkven.
mzhora mulun t'iba khomun kogჲamkhven.
ar ts'apa shuriten ti varti gvaloten,
ghurut'asha imtskven do vadodgitun.
EN 
KA