ე, ჯუმა
2.7. ე, ჯუმა
1. მეგოწკედი, ნაკო ნდღა, ნაკო წანა
ოთანამტი, მუჭო ჭეფხეში თენა
იხიქ მომიღამტუ ჰექოლენ ნენა,
მოხთი, ჲა დოხედი, ე, ჯუმა ჩქიმი!
2. ღომანერისთერი გურეფე თაზე,
თოლიშ დანძი თუ ჰემ ქვაომხაზე,
ნთომაფე ბისთიქამ ჰეშო ბიფხასე
გონოშინე ნდღალეფე, ჯუმა ჩქიმი!
3. ტრაღოდერი მებიჩამტით ამბაი,
მი ღურუ დო მი სქიდუ მელენ წკარი.
ჰაწი სარფის ქოკოფთით, კაი-კაი
თოლითე ქობძირი, ე, ჯუმა ჩქიმი!
4. სარფი ნეკნა უჩა სარფი ნცა ნეკნა
მემანჭი დო ხეფეზ ქოდოლოგაკნა
მჯვეშ წანაშენ ჯუმალეფე ბორეთ ნა
ლაზონა დოხმელი, ე, ჯუმა ჩქიმი!
5. ნაკო წანა გურეფე ოკოწკერი,
არ ციციშენ და დო ჯუმა მეწკერი,
გონჭელერი მენდრალესენ მოწკერი,
ორდო მოხთი, ორდო, ე, ჯუმა ჩქიმი.
6. ნაკო წანა გოხთუ სარფი მელე ხე,
სერიზ ოთანამტი ქჲონაში ჭეფხე.
თოლეფე ჩილამბრი რაკანიზ ქოფხე,
მენდელი მივალი, ე, ჯუმა ჩქიმი.
7. საიდი ნა იდი, ოშ წანა დივუ,
მოთალეფე სქნი პაპული დივუ,
საფუ სქანი სო რენ, პეა მუ ივუ,
სქიდაზ მოთასქანი, ე, ჯუმა ჩქიმი.
2.7. e, juma
1. megots'k'edi, nak'o ndgha, nak'o ts'ana
otanamt'i, much'o ch'epkheshi tena
ikhik momighamt'u hekolen nena,
mokhti, ya dokhedi, e, juma chkimi!
2. ghomaneristeri gurepe taze,
tolish dandzi tu hem kvaomkhaze,
ntomape bistikam hesho bipkhase
gonoshine ndghalepe, juma chkimi!
3. t'raghoderi mebichamt'it ambai,
mi ghuru do mi skidu melen ts'k'ari.
hats'i sarpis kok'optit, k'ai-k'ai
tolite kobdziri, e, juma chkimi!
4. sarpi nek'na ucha sarpi ntsa nek'na
memanch'i do khepez kodologak'na
mjvesh ts'anashen jumalepe boret na
lazona dokhmeli, e, juma chkimi!
5. nak'o ts'ana gurepe ok'ots'k'eri,
ar tsitsishen da do juma mets'k'eri,
gonch'eleri mendralesen mots'k'eri,
ordo mokhti, ordo, e, juma chkimi.
6. nak'o ts'ana gokhtu sarpi mele khe,
seriz otanamt'i kyonashi ch'epkhe.
tolepe chilambri rak'aniz kopkhe,
mendeli mivali, e, juma chkimi.
7. saidi na idi, osh ts'ana divu,
motalepe skni p'ap'uli divu,
sapu skani so ren, p'ea mu ivu,
skidaz motaskani, e, juma chkimi.
EN 
KA