სკანიშკალა
3.5. სკანიშკალა
1. სკანიშკალა ხვალა, ბორტაშა
დიდო ხაზი მახენენ.
ნეკნაფე ჯენკოლერი,
ოხორი მოლახუნუ.
2. თოლეფე დონქთუმერი
მითი ნა ვარ აზინსტერი
ჰიმორა ვროსი ბიჲერ.
ჰიმორა რაჰატი ბიჲერ, სკანიშკალა!
3. გური ოფშაშა განჯუდამ,
გური მაფშასა განჯუდერ.
ვა ბიძღერ სკანდა,
ვა ბიძღერ სი ონჯუდუთე.
4. ჰიმ უჩა თოლეფე სკანი,
ჰიმ თოლეფე მაზირას,
გომდუნურ, დომწუთხურ.
დომომწუთხინამს ტუცანობა სკანი!
5. ოროფა დო ოროფაშუკულე
გურპიჯი ეემანჯირაში,
იჭვერ დომაწონენ,
დაჩხური დიჲენ ტანი სკანი.
6. ჰიკუ ტუცა მოთ იჲენ ტანი სქანი?
მა მონდღულამს, ჰიმ ტუცანობა სკანი.
3.5. sk'anishk'ala
1. sk'anishk'ala khvala, bort'asha
dido khazi makhenen.
nek'nape jenk'oleri,
okhori molakhunu.
2. tolepe donktumeri
miti na var azinst'eri
himora vrosi biyer.
himora rahat'i biyer, sk'anishk'ala!
3. guri opshasha ganjudam,
guri mapshasa ganjuder.
va bidzgher sk'anda,
va bidzgher si onjudute.
4. him ucha tolepe sk'ani,
him tolepe maziras,
gomdunur, domts'utkhur.
domomts'utkhinams t'utsanoba sk'ani!
5. oropa do oropashuk'ule
gurp'iji eemanjirashi,
ich'ver domats'onen,
dachkhuri diyen t'ani sk'ani.
6. hik'u t'utsa mot iyen t'ani skani?
ma mondghulams, him t'utsanoba sk'ani.
EN 
KA